ججز کے خط پر پی ٹی آئی نے ایوان میں تحریک التوا پیش کرنے کا فیصلہ کیا ہے۔
پاکستان تحریک انصاف نے تحریک التوا کا مسودہ تیار کر لیا ہے۔ قومی اسمبلی میں تحریک التوا میں 6 ججز کے خط پر بحث کرانے کا مطالبہ کیا جائے گا۔
تحریک التوا کے متن میں کہا گیا ہے کہ عدلیہ کا تحفظ ہر صورت ہونا چاہیے ریاست ، حکومت عدلیہ کو تحفظ دینے میں ناکام ہوئی اور صورتحال سے سابق وزیراعظم، کروڑوں افراد کے بنیادی حقوق متاثر ہوئے ہیں۔
متن کے مطابق عدلیہ کی آزادی کو ملحوظ خاطر رکھتے ہوئے ایوان میں سنجیدہ بحث کی جائے۔
وفاقی حکومت نے اسلام آباد ہائی کورٹ کے چھ ججز کی جانب سے لکھے گئے خط پر انکوائری کمیشن بنانے کا اعلان کیا ہے۔
وفاقی وزیر قانون اعظم نذیر تارڑ نے انکوائری کمیشن بنانے کا اعلان کرتے ہوئے کہا کہ خط پر کمیشن بنے اور غیر جانبدار ریٹائرڈ شخصیت اس پر رپورٹ مرتب کرے، اس معاملے پر کمیشن بنائیں گے اور معاملہ کابینہ کے سامنے رکھا جائے گا، کمیشن آف انکوائری ایکٹ کے تحت غیر جانبدار عدالتی شخصیت کو انکوائری سپرد کی جائے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں