ڈالر کے مقابلے میں روپے کی مسلسل بے قدری کے اثرات، وزارت خارجہ بیرون ملک مشنز کو ادائیگیوں کے لئے فنڈز کی قلت کا شکار ہوگئی۔
ذرائع کے مطابق وزارت خارجہ کا موقف ہے کہ بیرون ملک مشنز کے لئے بجٹ کا 91 فیصد غیر ملکی کرنسیوں میں ادا کیا جاتا ہے روپے کی بے قدری کے باعث فنڈز کی شدید قلت کا سامنا ہے۔
وزارت خارجہ کا کہنا ہے کہ بیرون ملک مشنز کے لئے دس ارب روپے سے زائد کی ضرورت ہے جب کہ مین سیکرٹریٹ اور دیگر اداروں کے لئے 53 کروڑ 60 لاکھ کی ضرورت ہے۔
- Advertisement -
وزارت خزانہ کی بیرون ملک مشنز کےلئے وزارت خارجہ کو 8 ارب 40 کروڑ روپے فراہمی کی تجویز ہے۔ مرکزی سیکرٹریٹ اور دیگر اداروں میں اخراجات کے لئے 53 کروڑ 60 لاکھ فراہمی کی تجویز ہے۔
اقتصادی رابطہ کونسل (ای سی سی) نے وزارت خارجہ کو 8 ارب 40 کروڑ روپے فراہم کرنے کی منظوری دے دی۔
