The news is by your side.

Advertisement

محبت ٹھکرانے پر لڑکا درندہ بن گیا، معصوم لڑکی کو زیادتی کے بعد جلا ڈالا

نئی دہلی: بھارت میں سفاک شہری کے ہاتھوں درندگی کا ایک اور واقعہ سامنے آگیا، محبت ٹھکرانا لڑکی کا جرم بن گیا، شہری نے زیادتی کے بعد کم عمر لڑکی کو جلا دیا۔

غیرملکی خبررساں ادارے کی رپورٹ کے مطابق یہ واقعہ بھارتی شہر حیدرآباد کے علاقے ترانگانا میں پیش آیا، جہاں درندہ صفت انسان نے مبینہ طور پر لڑکی کو زیادتی کا نشانہ بنایا اور زندہ جلا دیا۔

پولیس کا کہنا ہے کہ لڑکی کا جسم 50 فیصد جل گیا تاہم وہ خطرے سے باہر ہے۔

متعلقہ ادارے کے مطابق یہ واقعہ اس وقت پیش آیا جب لڑکی گھر میں اکیلی تھی، ملزم نے موقع کا فائدہ اٹھاتے ہوئے اسے ہوس کا نشانہ بنایا اور گھر سے گھسیٹ کر جھاڑیوں میں لے کر جلا دیا۔

بھارت: درندہ صفت رشتے دار کی پانچ ماہ کی بچی سے زیادتی

حیدرآباد پولیس حکام کا کہنا تھا کہ لڑکا تقریباً دو سال سے لڑکی کے پیچھے لگا ہوا تھا، لڑکی کے گھر والوں نے دھمکایا بھی تھا کہ وہ اس کا پیچھا چھوڑ دے، لیکن سفاک شہری باز نہ آیا اور آخر کار انتقاماً لڑکی پر حملہ کردیا۔

پولیس نے واقعے سے متعلق مقدمہ درج کرلیا ہے جبکہ ملزم کی گرفتاری کے لیے چھاپے بھی مارے جارہے ہیں۔

fb-share-icon0
Tweet 20

Comments

comments

یہ بھی پڑھیں