ترجمان سول ایوی ایشن اتھارٹی نے واضح کیا ہے کہ سول ایویشن کی جانب سے مسافروں کے لیے پولیو ویکسینیشن کارڈ کی کوئی شرط نہیں رکھی گئی۔
ترجمان کا کہنا ہے کہ عوام الناس سے درخواست ہے کہ وہ پولیو کارڈ حاصل کرنے کے لئے کسی بھی غیر مصدقہ آن لائن پیشکش پر کان نہ دھریں، مسافر بالخصوص آن لائن عناصر کو نظر انداز کریں جو اپنے آپ کو مختلف ایئرلائنز کا نمائندہ ظاہر کرتے ہوں۔
ترجمان کے مطابق اس انتباہ کا مقصد مسافروں کو پولیو کارڈ کے نام پر موقع پرست مفاد پرستوں کے ہاتھوں آن لائن ہونے والے فراڈ سے بچانا ہے۔ مختلف میڈیا پلیٹ فارمز پر دیکھا جانے والا لیٹر اسلام اباد ایئرپورٹ کی اندرونی خط و کتابت تھی جو منسوخ ہو چکا اس بات کو بلکل واضح کیا جاتا ہے کہ مزکورہ لیٹر کسی بھی طرح پولیو سے متعلق ٹریول ایڈوائزری نہیں۔
انہوں نے کہا کہ سافروں سے التماس ہے کہ جس ملک کے سفر کا ارادہ رکھتے ہوں ایئرلائن سے اس ملک کی ہیلتھ بالخصوص پولیو ویکسینیشن پالیسی بارے ضرور پوچھیں۔
