اسلام آباد: وزیراعظم کے معاون خصوصی برائے احتساب شہزاد اکبر نے ٹوئٹر پر لکھا کہ ن لیگ کے لیے مفت مشورہ ہے تمام پارلیمانی اراکین اپنے استعفے لندن والے قائد کو بجھوا دیں۔
تفصیلات کے مطابق سماجی رابطے کی ویب سائٹ ٹوئٹر پر شہزاد اکبر کا کہنا تھا کہ ن لیگ کے تمام پارلیمانی اراکین اپنے استعفے لندن بھجوانے کے بعد پھر میاں صاحب جنوری میں خود آکر استعفے اسپیکر کو پیش کریں۔
معاون خصوصی نے ٹوئٹر پر طنزیہ انداز اپنا کر بھی لیگی رہنماؤں پر تنقید کی۔
ن لیگ کے لیے مفت مشورہ۔ ن لیگ کے تمام پارلیمانی اراکین کو چاہیے کہ وہ اپنے استعفے اپنے لندن والے قائد میاں صاحب کو بجھوا یں اور پھر میاں صاحب جنوری میں خود آکر استعفے سپیکر کو پیش کر۔
ایس توں کھٹ گھل تے انقلاب نئں جے آنا 🤣— Mirza Shahzad Akbar (@ShazadAkbar) December 14, 2020
قبل ازیں فردوس عاشق اعوان نے اپوزیشن جماعتوں کو تنقید کا نشانہ بناتے ہوئے کہا کہ بدقسمت پی ڈی ایم کی جانب سے عوام کے ساتھ کسی بھلائی کی توقع نہیں، جلسے کے شرکاء کو اپوزیشن نے بدلے میں صرف کرونا ہی دیا۔
جلسے کے شرکا خود کو 14 دن تک قرنطینہ کر لیں: یاسمین راشد
ادھر صوبائی وزیر صحت ڈاکٹر یاسمین راشد کا کہنا تھا کہ پی ڈی ایم کے جلسے سے پنجاب میں کرونا وائرس کے خطرناک پھیلاؤ کے خدشات بڑھ گئے ہیں، جلسے کے شرکا خود کو قرنطینہ کر لیں۔
واضح رہے کہ گزشتہ روز مینار پاکستان میں پاکستان ڈیموکریٹک موومنٹ کا جلسہ منعقد ہوا، تاہم گیارہ جماعتوں پر مشتمل اپوزیشن بھی جلسہ گاہ کو بھرنے میں ناکام رہی، اور لاہوریوں نے پی ڈی ایم کے مؤقف کو مسترد کر دیا۔
