امیرجماعت اسلامی کراچی حافظ نعیم الرحمان نے کہا ہے کہ ہڑتال کے بعد دھرنا دینےگورنرہاؤس بھی جائیں گے اگر جماعت اسلامی کا راستہ روکا تو پھر لوگ خود فیصلےکرنے لگیں گے۔
ادارہ نور حق میں پریس کانفرنس کرتے ہوئے حافظ نعیم الرحمان نے کہا کہ کےالیکٹرک ایک سامراجی اداریہ ہے جس میں تمام پارٹی کے لوگ شامل ہیں ظالموں کے اقدامات کو کسی صورت قبول نہیں کیا جائے گا بجلی کے بل کم کیے جائیں تاکہ شہری بجلی کے بل ادا کرسکیں۔
انہوں نے کہا کہ وزیر اعظم کہتے ہیں کہ ابھی اتنی مہنگائی نہیں ہوئی ہے عوام ابھی بجلی کے بھاری بلوں سے پریشان تھے کہ پیٹرول کی قیمتوں میں اضافہ کردیا حکمرانوں کو عوام کا احساس اور درد نہیں ہے جماعت اسلامی کی ملک گیر ہڑتال پر امن ہوگی ہم کل کی ہڑتال کے حوالے سے تاجر تنظیموں سے رابطے میں ہیں اگر مسائل حل نہ ہوئے تو اگلہ مرحلہ گورنر ہاؤس کی طرف دھرنا دینے کا ہوگا۔
حافظ نعیم الرحمان نے کہا کہ جماعت اسلامی عوامی مسائل کے حل کے لیے جدوجہد کررہی ہے ارباب اختیار سن لیں کہ اگر ہڑتال روکنے کی کوشش کی تو حالات کی تمام تر ذمہ داری حکومت کی ہوگی عوام مہنگائی اور بے روزگاری کے باعث خود کشیاں کرنے پر مجبو ر ہوگئے ہیں۔
ان کا کہنا تھا کراچی کے عوام پر امن طریقے سے ہڑتال کریں گے ہم جلاؤ ،گھیراؤ اور انسانوں کا قتل اور معاشی قتل کی ہڑتال نہیں ہوگی ماضی میں ہڑتال مسائل پر نہیں بلکہ وزارتیں حاصل کرنے کے لیے کی گئیں، ایم کیو ایم نے کے الیکٹرک کے ساتھ مل کر عوام کے ارمانوں کا خون کیا ہے ایم کیو ایم نے پہلے تاجروں سے رابطہ کر کے ہڑتال نہ کرنے کی بات کی اور اس کے بار کے الیکٹرک کے افسران سے ملاقات کی، ایم کیوا یم کے الیکٹرک کے ایجنڈ کا کام کر رہی ہے اور عوام کو دھونس اور دھمکیاں دی جارہی ہیں۔
