کویت سٹی: خلیجی ملک کویت جانے کے لیے میڈیکل یوٹیلیٹی نیٹ ورک ایکریڈیٹر(ایم یو این اے) میں شامل ممالک کے کورونا ٹیسٹ قابل قبول ہوں گے۔
غیرملکی خبررساں ادارے کی رپورٹ کے مطابق ایم یو این اے سسٹم میں کویت نے مختلف ممالک کو شامل کیا ہے جہاں کی کورونا ٹیسٹنگ رپورٹ(پی سی آر) کویت میں داخلے کے لیے منظور سمجھی جائے گی۔
مذکورہ ممالک کی کسی بھی لیبارٹری کا PCR ٹیسٹ قابل قبول ہوگا۔ کویتی سول ایوی ایشن کے ڈائریکٹوریٹ جنرل کا کہنا ہے کہ نئے سرکلر میں کسی خاص کورونا لیبارٹری کا نام درج نہیں کیا گیا ہے لہذا ایم یو این اے سسٹم میں جو ممالک اور شہر آتے ہیں وہاں کی لیبارٹری کی رپورٹس منظوری کرلی جائیں گی۔
کویت مسافر ایپلی کیشن اور ویب سائٹ پر بھی کسی تسلیم شدہ لیبارٹری کا ذکر نہیں ہے۔
کورونا ٹیسٹنگ کے لیے لیبارٹری کا معیار اور ملکی تسلیم شدہ ہے یا نہیں اس کا خیال رکھیں۔ سسٹم میں درج شدہ ممالک کے شہروں کی کسی بھی لیبارٹری سے PCR سرٹیفکیٹ حاصل کیا جاسکتا ہے۔
