اسلام آباد : سابق وزیر داخلہ شیخ رشید کو تین مختلف دفعات میں 5 سے 7 سال تک قید کی سزا ہوسکتی ہے۔
تفصیلات کے مطابق سابق وفاقی وزیر داخلہ شیخ رشید پر درج مقدمے کی تفصیلات سامنے آگئی۔
جس میں بتایا گیا کہ سابق وفاقی وزیر داخلہ شیخ رشید پر تین مختلف دفعات لگائی گئی ہیں، ان پر لگی دفعات میں دو ناقبل ضمانت اور قابل ضمانت ہے۔
دفعہ 120 نفرت انگیز تقریر کی دفعہ ہے، جس کی سزا چھ ماہ یا جرمانہ ہے، دفعہ 153A بغاوت پر اکسانے کی دفعہ ہے جس کی سزا پانچ سال ہے۔
دفعہ 505 اور دفعہ 153A ناقبل ضمانت دفع ہے، دفعہ 505 عوام کو اشتعال دلانے کی دفعہ ہے ، جس کی سزا سات سال ہے
یاد رہے شیخ رشید پر آصف زرداری پر دہشت گردوں کی مدد سے عمران خان کے قتل کی سازش کے الزام پرتھانہ آبپارہ میں مقدمہ درج کیا گیا تھا۔
مقدمے کے متن میں کہا تھا کہ شیخ رشید، آصف زرداری اور ان کے خاندان کیلئے مستقل خطرہ پیدا کرنا چاہتے ہیں۔
ایف آئی آر میں کہا گیا تھا کہ شیخ رشید نے نجی چینل پر زرداری سے متعلق کچھ دہشتگردوں کی خدمات لینے کا کہا، شیخ رشید نے یہ تمام بیان تیار کردہ سازش کے تحت دیا ہے۔
مقدمے کے مطابق شیخ رشید من گھڑت سازش کا ذکر کرکے پی پی اور پی ٹی آئی میں دشمنی پیداکرنا چاہتے ہیں۔
