ابوظبی : اماراتی پولیس نے انسداد منشیات مہم کے تحت دو برس کے دوران ضبط کی گئی تین ٹن منشیات کو ضائع کردیا۔
تفصیلات کے مطابق متحدہ عرب امارات کی ریاست دبئی کے حکام نے گزشتہ روز انسداد منشیات مہم کے تحت صرف دبئی میں پکڑی گئی 2929 کلو منشیات تلف کردی۔
اماراتی حکام نے منشیات تلف کرنے کی ویڈیو سوشل میڈیا پر جاری کردی۔
اماراتی میڈیا کے مطابق تلف کی گئی منشیات میں محلول، نشہ آور گولیاں اور دیگر قسم کی نشہ آور اشیاء شامل ہیں۔
Dubai Public Prosecution, in cooperation with the General Department of Anti Narcotics of Dubai Police, destroied about 2929.1 kg of narcotic drugs, from 1651 exhibits. This was carried out in Jabel Ali Hazardous Waste https://t.co/SLY3i5PZzy pic.twitter.com/vP9mX67yv9
— نيابة دبي (@DubaiPP) February 6, 2020
ابوظبی پولیس کے ڈائریکٹر جنرل کا کہنا تھا کہ سیکیورٹی اہلکاروں نے ملک بھر میں باالخصوص دبئی میں منشیات اسمگلنگ کی روک تھام کےلیے متعدد آپریشنز کیے ہیں۔
مقامی خبر رساں ادارے کا کہنا تھا کہ پولیس نے گزشتہ دو برس 215 چھاپہ مار کارروائیاں کی تھیں جس میں پولیس نے 3 ٹن منشیات ضبط کر کے متعدد افراد کو گرفتار کیا تھا۔
ڈائریکٹر جنرل کا کہنا تھا کہ ’ہم نے منشیات اسمگلنگ کے خلاف مسلسل ایک طویل جنگ لڑی، ہمارے انسداد اسمگلنگ افسران منشیات اسمگلنگ کی سرگرمیوں کا سراغ لگانے کےلیے جدید ٹیکنالوجی اور منفرد طریقوں کا استعمال کرتے تھے‘۔
اماراتی خبر رساں ادارے کا کہنا تھا کہ پولیس نے گزشتہ دو برس منشیات کی روک تھام کےلیے متعدد مہمات کا آغاز کیا تھا جس میں مہم ’میری زندگی کی کوئی قیمت نہیں‘ بھی شامل تھی۔