ٹوکیو: چاپان کی زیر تربیت ننھی کراٹے ماسٹر نے اپنی معصومانہ شرارتوں سے لوگوں کی توجہ حاصل کرلی، انٹرنیٹ پر ویڈیو وائرل ہونے کے بعد لوگ ننھی ماسٹر کے جذبے کو سرا رہے ہیں۔
تفصیلات کے مطابق تائی کوانڈو ویسے تو سخت جان لوگوں کا کھیل ہے مگر جاپان میں کم عمری سے ہی والدین بچوں کو کراٹے کی تربیت دلانا شروع کردیتے ہیں تاکہ بچے اپنا دفاع خود سے کرنا سیکھ لیں۔
انسٹی ٹیوشن آف تائی کوانڈو کی جانب سے جاری ویڈیو میں دیکھا جاسکتا ہے کہ خاتون کوچ بچوں کو کراٹے کی تربیت دے رہی ہیں کہ اسی دوران تین سالہ انوس نامی بچی رنگ میں اتری۔
مزید پڑھیں: کراچی کے معذور کھلاڑی 7 گولڈ میڈل جیتنے میں کامیاب
کوچ نے زیرتربیت ننھی کراٹے ماسٹر کو اپنے قریب بلایا تو اُس نے روایتی طریقے سے سر جھکا کر اپنی انسٹرکٹر کا شکریہ ادا کیا اور پھر سامنے رکھے ہوئے کمزور تختے کو توڑنے کی کوشش کی۔
خاتون کوچ نے انوس کو بتانے کی کوشش کی کہ وہ وہ زور سے پیر مار کر لکڑی کو توڑے جس پر ننھی بچی نے کوشش کی مگر وہ ناکام رہی، ہمت نہ ہارنے والی تین سالہ بچی کی حوصلہ افزائی کے لیے ٹیم کے دیگر ارکان بھی اُس کے ارد گرد موجود رہے۔
ویڈیو دیکھیں
کئی بار کوششوں کے باوجود جب لکڑی نہ ٹوٹ سکی تو پیچھے کھڑے ایک شخص نے اُسے گوڈ میں اٹھایا اور تختے پر چھلانگ لگوائی جس کے بعد وہ ٹوٹ گئی اور پھر انوس نے اپنی فتح کا جشن منایا۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
