ٹک ٹاکر کو اجنبی شخص سے مذاق کرنا مہنگا پڑ گیا اور لینے کے دینے پڑ گئے ، جس کی وائرل ویڈیو سوشل میڈیا پر وائرل ہوگئی۔
کچھ لوگ سوشل میڈیا پر سستی شہرت کے لئے کسی حد تک جانے اور ”کہیں“ بھی جانے کے لئے تیار ہو جاتے ہیں اور نت نئے طریقے اپنائے جاتے ہیں مگر بعض اوقات کچھ طریقے بہت مہنگے پڑجاتے ہیں۔
ایک شہری کے پرینک کرتے ہوئے ویڈیو سوشل میڈیا پر وائرل ہوگئی، ویڈیو میں ایک 21 سالہ ٹک ٹاکر کو عوامی مقام پر ایک شخص سے مذاق کرتے ہوئے دیکھا جا سکتا ہے۔
— Out of Context Human Race (@NoContextHumans) March 19, 2022
ٹویٹر پر شیئر کی گئی ویڈیو میں ٹک ٹاکر پائپ کو میگا فون کے طور پر استعمال کرتے ہوئے پیچھے سے ایک اجنبی شخص کے کان کے قریب لا کر چیختا ہے ، اس حرکت پر اجنبی شخص کو غصہ آجاتا ہے اور وہ ٹک ٹاکر کی درگت بنا دیتا ہے۔
ٹویٹر پر اس ویڈیو کو تقریباً 60 لاکھ بار دیکھا جا چکا ہے۔
ایک صارف نے ویڈیو پر تبصرہ کرتے ہوئے کہا کہ بغیر اجازت کسی کو چھونا بھی حملہ کرنے کے زمرے میں آتا ہے، لڑکے کی جانب سے کان کے پاس چیخنے پر بوڑھے شخص کا غصے میں آنا فطری عمل ہے۔