پاکستانی ڈرامہ انڈسٹری کی معروف اداکارہ امر خان کی بھارتی فلم کے مشہور گانے پر رقص کرنے کی ویڈیو وائرل ہوگئی۔
بالی ووڈ کی 90 کی دہائی کی مشہور فلم ’مہرا‘ میں اداکارہ روینہ ٹنڈن پر فلمایا گانا ’ٹِپ ٹِپ برسا پانی، پانی نے آگ لگائی‘ کافی مقبول ہوا تھا۔
اب اداکارہ امر خان نے کراچی میں بارش کے موقع پر اسی گانے پر رقص کیا جس کی ویڈیو سوشل میڈیا کے مختلف پلیٹ فارمز پر وائرل ہورہی ہے۔
وائرل ویڈیو میں دیکھا جاسکتا ہے کہ اداکارہ مشرقی لباس زیب تن کیے ٹپ ٹپ برسا پانی پر رقص کررہی ہیں اور اسی طرح ادائیں بھی دکھا رہی ہیں۔
مداحوں کی جانب سے امر خان کی ویڈیو کو پسند کیا جارہا ہے اور اس پر تبصرے کرنے کا سلسلہ بھی جاری ہے۔
واضح رہے کہ امر خان نے چند ماہ قبل اے آر وائی ڈیجیٹل کے ڈرامہ سیریل ’بددعا‘ میں ابیر کا منفی کردار نبھایا تھا جسے مداحوں نے پسند کیا تھا۔
ڈرامے کی دیگر کاسٹ میں منیب بٹ، محسن عباس حیدر، صبا فیصل ودیگر شامل تھے۔
