The news is by your side.

Advertisement

سادھوکی دھرنا، سڑک بند ہونے پر دلہا کی غیر معمولی حرکت

جہلم: سادھوکی میں ہونے والے کالعدم تنظیم کے دھرنے کی وجہ سے بند ہونے والے راستے دلہا کو بارات لانے سے نہ روک سکے۔

اے آر وائی نیوز کے مطابق سادھوکی کا رہائشی دلہا باراتیوں کے ہمراہ جب دلہن لینے کے لیے گھر سے نکلا تو احتجاجی مظاہروں کے باعث راستے بند تھے۔

دلہا نے باراتیوں کے ہمراہ سڑک پر نکلا تو شاہراہوں پر کھڑے کنٹینرز نے اُس کا استقبال کیا۔ جس پر گاڑیاں وہی کھڑی کر کے پیدل جانے کا فیصلہ کیا گیا۔

باراتیوں  نےدلہےکو کاندھے پر اٹھاکر دریائےجہلم کے پُل کی دوسری طرف پہنچایا۔ بعد ازاں دلہا باراتیوں کے ہمراہ پیدل ہی لڑکی کے گھر پہنچا اور دلہن کو رخصت کر کے لے گیا۔

میڈیا سے گفتگو کرتے ہوئے دلہا جمال نے کہا کہ ہماری بارات سادھوکی پر پہنچی تھی کہ اچانک جہلم کے پل کو بند کردیا گیا، ہمیں مجبوراً گاڑیاں کھڑی کرکے پیدل سفر کرنا پڑا۔

دلہا نے کہا کہ بارات نے مقررہ وقت پرپہنچنا تھا اس لیےسڑک کھلنےکاانتظار نہیں کیا۔

Comments

یہ بھی پڑھیں