کراچی: ملکی سطح پر سونے کی فی تولہ قیمت میں ایک بار پھر اضافہ سامنے آیا ہے۔
تفصیلات کے مطابق ملکی صرافہ بازاروں میں سونے کے نرخ پھر سے بڑھنے لگے، ملک میں سونے کی فی تولہ قیمت میں 1800روپے کا اضافہ ریکارڈ کیا گیا ہے۔
آل پاکستان جیمز اینڈ جیولرز ایسوسی ایشن کے مطابق جمعے کے روز ایک تولہ سونا 1 ہزار 800 روپے مہنگا ہوا جس کے بعد ملک میں ایک تولہ سونےکی قیمت 2 لاکھ 19 ہزار 800 روپے ہوگئی۔
- Advertisement -
اعداد وشمار کے مطابق اس کے علاوہ 10گرام سونے کا بھاؤ 1543 روپے اضافے سے ایک لاکھ 72 ہزار 740 روپے کا ہوگیا ہے۔
دوسری جانب ایسوسی ایشن کے مطابق بین الاقوامی مارکیٹ میں سونے کی قیمت 2050 ڈالر فی اونس ہوگئی۔
