جامشورو : مانجھند میں لاپتا ہونے والے سات سال کے بچےکی چودہ گھنٹے بعد تشدد زدہ لاش مل گئی، جس پر والدین غم سے نڈھال ہیں اور انصاف کیلئے دہائی دے رہے ہیں۔
تفصیلات کے مطابق جامشورو میں مانجھند کےعلاقے میں گھر سے چیز لینے جانے والے سات سالہ بچے کی 14 گھنٹے بعد تشدد زدہ لاش برف خانے سے برآمد ہوئی۔
مانجھند کے علاقے حبیب اللہ موڑ کے رہاٸشی نعیم ملاح کا سات سالہ بیٹا مرتضی دوسری جماعت کا طالب علم تھا، جو گھر سے چیز لینے کے لئے گزشتہ شام گھر سے نکلا تھا مگر واپس نہیں آیا۔
جس کے بعد اہل خانہ کئی گھنٹوں تک اس کی تلاش کرتے رہے، لڑکے کی تشدد زدہ لاش پولیس نے قریبی برف خانے سے برآمد کی۔
پولیس نے زیادتی کا بھی شک ظاہر کرتے ہوئے کہا کہ لڑکے کی لاش نامعلوم افراد یہاں پھینک کر فرار ہوئے ہیں، جن کی تلاش جاری ہیں، گزشتہ شام والد نے لڑکے کے لاپتہ ہونے کی رپورٹ درج کرائی تھی۔
پولیس نے بتایا کہ لڑکے کی لاش ہوسٹ مارٹم کے لئے اسپتال منتقل کر دی گئی ہے، لڑکے کو گلے میں رسہ ڈال کر گلا دبا کر قتل کیا گیا تاہم تفتیش کر رہے ہیں پولیس کے مطابق ملزمان کو جلد گرفتار کر لیا جائے گا۔
