اسلام آباد : توشہ خانہ کیس میں سزا کے بعد بشریٰ بی بی کی گرفتاری کیلئے ٹیم تشکیل دے دی گئی، تحریری فیصلہ آنے کے بعدٹیم روانہ کر دی جائے گی۔
تفصیلات کے مطابق توشہ خانہ کیس میں بانی پی ٹی آئی اور اہلیہ کو سزا کے بعد قومی احتساب بیورو (نیب) کی جانب سے بشریٰ بی بی کی گرفتاری کیلئے ٹیم تشکیل دے دی گئی ہے۔
ذرائع نے بتایا کہ عدالت سے تحریری فیصلہ آنے کے بعدٹیم روانہ کردی جائے گی ، گرفتاری کیلئے نیب کے ساتھ پولیس کی ٹیم بھی بنا دی گئی۔
- Advertisement -
بشریٰ بی بی آج فیصلے کےوقت عدالت میں پیش نہیں ہوئی تھیں۔
یاد رہے عدالت نے بانی پی ٹی ائی اور بشری بی بی کو 14 14 سال قید کی سزا کا حکم دیا، احتساب عدالت کے جج محمد بشیر نے فیصلہ سنایا۔
عدالت نے ملزمان کو کسی بھی عوامی عہدے کے لیے 10 سال کے لیے نااہل کر دیا گیا اور دونوں ملزمان کو 787 ملین جرمانہ بھی عائد کر دیا۔
