The news is by your side.

Advertisement

دبئی کا سفر کرنے والے سیاحوں نے شکایتوں کے انبار لگادیے

دبئی: گزشتہ سال سیر و تفریح کی غرض سے دبئی آنے والے 64 ممالک کے سیاحوں نے دبئی کے شبعہ برائے اقتصادی ترقی میں مختلف مسائل کے حوالے سے معتددشکایات درج کروائی ہیں۔

تفصیلات کے مطابق گذشتہ سال سیر و تفریح اور روزگار و کاروبار کی غرض سے 64 ممالک سے دبئی کا سفر کرنے والے افرادنے در پیش مسائل کی شکایات درج کروائی تھیں، دبئی کے شعبہ اقتصادیات کے ایک اعلیٰ عہدار نے بتایا کہ 2017 میں 1،826 سیاحوں کی شکایات درج کی گئیں جو کہ امارات میں درج ہونے والی کنزیومر شکایتوں کا کل 7 فیصد ہے۔

دبئی کی شعبہ اقتصادی ترقی(ڈی ای ڈی) میں تجارتی تعمیل اور تحفظ برائے صارفین کے سی ای او محمد علی رشید لوطہ نے خبر رساں ادارے کو بتایا کہ ڈی ای ڈی میں شکایات درج کروانے والے 64 ممالک سے آئے ہوئے سیاحوں کے ساتھ ساتھ خلیجی ریاستوں سے تعلق رکھنے والے 76 فیصد افراد فہرست میں سب سے اوپر ہیں۔ علاوہ ازیں ایشیا اور آسٹریلیا کے 6.2 جبکہ 4.7 فیصد سیاحوں کا تعلق یورپی ریاستوں سے ہے۔

میڈیا سے گفتگو کرتے ہوئے محمد علی رشید کا کہنا تھا کہ درج ہونے والی 42 فیصد شکایات کرائے پر ملنے والی گاڑیوں کے حوالے سے ہیں، کرائے پر گاڑی لینے والے صارفین نے شکایت کی ہے کہ گاڑی واپس لوٹانے کے بعد مالکان گاڑی کے عوض جمع کی گئی پیشگی رقم واپس نہیں لوٹاتے یا پھر رقم دینے میں تاخیر کرتے ہیں۔ اس کے علاوہ 16 فیصد شکایات صارفین کو درست سروس فراہم نہ کرنے کے حوالے سے موصول ہوئی، 12 فیصد شکایات بجلی،5.5 فیصد شکایات گاڑیوں کی خریداری جبکہ 5.6 فیصد شکایات صارفین کو درپیش مختلف مسائل کے حوالے سے درج کی گئی۔

ڈی ای ڈی کے اعلیٰ عہدار محمد علی لوطہ کا مزید کہنا تھا کہ ’’ہم نے تمام صارفین کی جانب سے موصول ہونے والی تمام شکایات کا ایک ایک کر کے بغور مطالعہ کرنے بعد انہیں حل کردیا ہے،اور صارفین کو یہ یقین دلایا ہے کہ اگران کی فراہم کردہ معلومات درست ہیں تو سیاحوں کو سہولیات فراہم کرنے والی کمپنیوں کو پابند کیا جائے گا کہ وہ قواعد و ضوابط پرعمل کرتے ہوئے دوبارہ شکایات کا موقع نہ دیں‘‘۔

انہوں نے وضاحت کی کہ سیاحتی صارفین کی جانب سے شکایات وصول ہونے سے پتہ چلتا ہے کہ صارفین اپنے حقوق کا علم رکھتے ہیں اور انہیں یقین ہے کہ دبئی میں ان کے حقوق محفوظ ہیں۔ اچھی بات یہ ہے کہ ڈی ای ڈی میں درج ہونے والی اٹھارہ سو سے زائد شکایات میں 90 فیصد سے زیادہ کو حل کردیا گیا تھا۔

محمد علی لوط کہتے ہیں کہ دبئی آنے والے تمام صارفین اپنے حقوق کی خلاف ورزی کی صورت میں حکام کو اس نمبر 600545555 پراطلاع دیں۔ انہوں نے اس بات پر زور دیا کہ کمپنی مالکان صارفین کے تحفظ اور قواعد و ضوابط کے مطابق واضح معاہدے اور قواعد و ضوابط طے کریں، غلطی کرنے والے کاروباری حضرات کو دو ہزار درہم جرمانے کا سامنا کرنا پڑے گا جو کہ غلطی دہرانے پر دوگنا ہوتا جائے گا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Print Friendly, PDF & Email

Comments

comments

یہ بھی پڑھیں