The news is by your side.

Advertisement

ٹریفک پولیس کی غفلت 2 بھائیوں کی جان لے گئی

کراچی: ٹریفک پولیس کی غفلت سے شہر قائد میں 2 نوجوان بھائیوں کی جان چلی گئی۔

تفصیلات کے مطابق کراچی کے علاقے کورنگی انڈسٹریل ایریا میں ایک ٹریفک حادثے میں دو نوجوان جاں بحق ہو گئے، جاں بحق نوجوانوں کی شناخت بھی ہو گئی۔

ٹینکر اور اس کا ڈرائیور

پولیس کا کہنا ہے کہ جاں بحق ہونے والے افراد کے نام نسیم اور وسیم ہیں، دونوں بھائی تھے، دونوں لڑکوں کو 22 ویلر ٹینکر نے کچلا تھا، یہ حادثہ آج صبح سوا 8 بجے کورنگی میں پیش آیا تھا۔

یہ بھی پڑھیں:  جناح اسپتال کراچی میں 2 نوجوانوں کی لاشوں کی موت کا معمہ حل ہو گیا

خیال رہے کہ ہیوی ٹریفک کے شہر کی سڑکوں پر داخلے پر صبح 7 سے رات 11 بجے تک پابندی ہوتی ہے، تاہم بائیس ویلر ٹینکر سوا آٹھ بجے سڑکوں پر دوڑ رہا تھا جس کی وجہ سے دو قیمتی انسانی جانیں ضایع ہو گئیں۔

قبل ازیں، کورنگی میں ٹینکر کی ٹکر سے 2 نوجوان بھائیوں کی موت کے بعد عوامی کالونی پولیس نے ٹینکر ڈرائیور کو گرفتار کر لیا تھا، جب کہ نوجوان بھائیوں کی لاشیں پانچ گھنٹے تک جناح اسپتال میں پڑی رہیں، تاہم میڈیکل افسر پوسٹ مارٹم کے لیے نہیں آئے، دوسری طرف پولیس اور نوجوانوں کے لواحقین مردہ خانے میں موجود رہے۔

Comments

یہ بھی پڑھیں