The news is by your side.

ٹریفک پولیس اہلکار نے بچے کے اغوا کی کوشش ناکام بنا دی

کراچی کے علاقے صدر ریمبو سینٹر کے قریب ٹریفک پولیس اہلکار نے بہادری کا مظاہرہ کرتے ہوئے بچے کو اغوا کرنے کی کوشش ناکام بنا دی۔

اے آر وائی نیوز کے مطابق شہر قائد کے مرکزی علاقے صدر میں ملزم بچے کو زبردستی لے کر جا رہا تھا کہ بچے نے ریمبو سینٹر کے قریب خود کو اغوا کار سے چھڑاتے ہوئے شور مچا دیا۔

بچے کا شور سن کر قریب ہی موجود ٹریفک پولیس اہلکار نے بھاگ کر اغوا کار کو قابو کیا اور بچے کو اس سے چھڑایا جب کہ اس دوران وہاں موجود شہریوں نے بھی ملزم کو دبوچ لیا۔

 

مبینہ اغوا کار کو پریڈی پولیس کے حوالے کردیا گیا ہے۔

پولیس حکام کا کہنا ہے کہ ملزم سے تفتیش جاری ہے کہ وہ کس مقصد کے لیے بچے کو اغوا کرکے لے جا رہا تھا۔

Comments

یہ بھی پڑھیں