ریاض: سعودی عرب کے دارالحکومت میں دنبہ چوری کا واقعہ پیش آیا، ملزمان جانور کو گاڑی میں ڈال کر لے اڑے۔
غیرملکی خبر رساں ادارے کی رپورٹ کے مطابق ریاض میں دنبہ چوری کی ویڈیو سوشل میڈیا پر وائرل ہوگئی جس میں دیکھا جاسکتا ہے کہ دو افراد کس طرح جانور کو گاڑی میں لے کر فرار ہوئے۔
ملزمان کی ویڈیو منظر عام پر آنے کے بعد پولیس نے بھی ایکشن لیا اور ایک شہری کو گرفتار کرلیا۔ ریاض پولیس نے کارروائی کے لیے سڑک پر نصب کیمرے کا سہارا لیا۔
وائرل مناظر میں دیکھا جاسکتا ہے کہ 2 افراد ریاض میں ایک مقام سے دنبے کو لے کر بھاگے۔ بظاہر ایسا لگتا ہے کہ ملزمان نے غیرملکی کو چکما دیا اور کسی بہانے دنبے کو گاڑی میں رکھنے کو کہا جیسے ہی اس نے ایسا کیا تو ملزمان نے فوراً گاڑی دوڑا دی اور شہری کو گراتے ہوئے رفوچکر ہوگئے۔
ریاض میں سڑک سے دنبہ چوری ہونے کی وڈیو وائرل … ملوث افراد میں سے ایک گرفتارhttps://t.co/kftjNZ79P0 pic.twitter.com/fmLG8Ngqdo
— العربیہ اردو (@AlArabiya_Ur) September 27, 2021
پولیس کا کہنا ہے کہ گرفتار ہونے والے شخص کے قبضے سے منشیات بھی برآمد ہوئی ہیں۔
گرفتار دونوں سعودی شہری عمر کی تیسری دہائی میں ہیں۔ گرفتار شخص کے خلاف قانونی کارروائی ہورہی ہے جب کہ اس کے ساتھی کو پکڑنے کے لیے بھی تلاش جاری ہے۔
