The news is by your side.

Advertisement

ظاہر جعفر نے نور مقدم کو کیسے قتل کیا؟ سی سی ٹی وی ٹرانسکرپٹ میں دل دہلا دینے والے مناظر سامنے آگئے

اسلام آباد : پراسیکیوشن نے نور مقدم قتل کیس میں سی سی ٹی وی کا ٹرانسکرپٹ سیشن جج کی عدالت میں جمع کرادیا، جس میں بتایا گیا ہے کہ نور کو قتل کرتے وقت مناظر کا ذکر کیا گیا ہے۔

تفصیلات کے مطابق سیشن کورٹ اسلام آبادمیں نور مقدم قتل کیس سےمتعلق شواہدجمع کرادیےگئے ، جس میں‌ پراسیکیوشن نےسی سی ٹی وی کا ٹرانسکرپٹ سیشن جج کی عدالت میں جمع کرایا۔

ٹرانسکرپٹ میں کہا گیا ہے کہ 19جولائی رات 2بجکر39 منٹ پر ظاہراورنور مقدم بیگ لیکر گیٹ سے نکلتے نظرآتےہیں، رات مین گیٹ کے باہر ٹیکسی میں سامان رکھ کردوبارہ گھرمیں داخل ہوئے، 2بجکر41منٹ پر نورمقدم خوف میں گیٹ کی طرف بھاگ کرآتی ہے اور نورمقدم کےباہرآنےپرچوکیدار افتخار گیٹ کوبندکرتانظر آتا ہے۔

سی سی ٹی وی کے ٹرانسکرپٹ میں دیکھا گیا کہ ظاہر جعفرگھرسے جلدی میں گیٹ پر آکرنور مقدم کوپکڑ لیتاہے، نور مقدم ہاتھ جوڑ کرظاہر کی منت سماجت کرتی نظر آتی ہے لیکن ظاہرجعفر نورمقدم کوزبردستی کھینچ کر گھر لے جاتاہے۔

ٹرانسکرپٹ کے مطابق ظاہرنور مقدم کوکیبن سےنکال کرگھر میں گھسیٹ کرلے جاتا ہے اور نورمقدم کا کیبن کھول کرموبائل فون چھینتا اور دوڑ کر نور مقدم کو پکڑ کر گیٹ پر بنی کیبن میں بند کرتا نظرآتا ہے۔

ٹرانسکرپٹ میں ظاہر فرسٹ فلورکے ٹیرس سےچھلانگ لگاکرگراونڈفلورپرآتانظرآتاہے جبکہ نورمقدم باہرجاناچاہتی تھی لیکن چوکیدار افتخار اور مالی گیٹ بند کردیتا ہے۔

سی سی ٹی وی ٹرانسکرپٹ میں نورمقدم کے ہاتھ میں فون تھا وہ لڑکھڑاتی ہوئی بیرونی مین گیٹ پرآئی، شام 7بجکر 12منٹ پرنور مقدم فرسٹ فلورسے چھلانگ لگا کر گرتی ہے۔

ٹرانسکرپٹ کے مطابق 20جولائی 8بجکر 6منٹ پر تھراپی ورکس کی ٹیم گھر کے گیٹ سے اندر آتی ہےاور 8بجکر55منٹ پرتھراپی ورکس زخمی کو گیٹ کی طرف لے جاتے نظر آتے ہیں۔

Comments

یہ بھی پڑھیں