آکلینڈ: ٹی ٹوئنٹی ورلڈکپ سے قبل تین ملکی ٹی ٹوئنٹی سیریز کھیلنے سے متعلق نیوزی لینڈ کی پیشکش پر پاکستان نے حتمی فیصلہ کرلیا ہے۔
آکلینڈ: تین ملکی ٹی ٹوئنٹی سیریز کھیلنے سے متعلق نیوزی لینڈ کرکٹ بورڈ کی پیشکش پر پی سی بی جواب دے دیا ہے۔
اے آر وائی نیوز کے مطابق نیوزی لینڈ کرکٹ بورڈ کی جانب سے پاکستان کو تین ملکی ٹی ٹوئنٹی سیریز کھیلنےکی دعوت دی گئی تھی، جس پر پی سی بی نے بھی سیریز کھیلنے کی دعوت قبول کرلی ہے،
غیر ملکی میڈیا کے مطابق نیوزی لینڈ، پاکستان اور بنگلہ دیش سہ فریقی ٹی ٹوئنٹی سیریز کھیلیں گے، سیریز رواں برس اکتوبر، نومبر کے ٹی ٹوئنٹی ورلڈ کپ سے قبل ہوگی، تمام میچ کرائسٹ چرچ میں ہوں گے، پاکستان کی جانب سے تصدیق کے بعد سیریز کے شیڈول کا اعلان جلد کیا جائیگا۔
یہ بھی پڑھیں: نیوزی لینڈ نے پاکستان کرکٹ بورڈ کو زرتلافی ادا کردیا
اس سے قبل گذشتہ روز اہم خبر سامنے آئی تھی جہاں نیوزی لینڈ کرکٹ بورڈ نے گزشتہ سال ستمبر میں اچانک دورہ ختم کرنے پر پاکستان کرکٹ بورڈ (پی سی بی) کے نقصان کا ازالہ کیا تھا۔
دوسری جانب نیوزی لینڈ کرکٹ ٹیم آئندہ برس مئی میں اضافی 10 وائٹ بال میچز کے لیے بھی ٹور کریں گے، اس میں 5 ون ڈے اور اتنے ہی ٹی ٹوئنٹی شامل ہیں، بورڈ کو اس سے بھی بھاری منافع ہوگا۔
