ایری زونا کی عدالت نے 2020ء کے امریکی صدارتی الیکشن میں مداخلت کے کیس میں ٹرمپ کے 18 ساتھیوں پر فردِ جرم عائد کر دی۔
غیر ملکی ذرائع ابلاغ کے مطابق نیویارک کے سابق میئر روڈی جولیانی بھی ان ملزمان میں شامل ہیں جن پر فردِ جرم عائد ہوئی ہے، اس کے علاوہ سابق وائٹ ہاؤس چیف آف اسٹاف مارک میڈوز پر بھی فردِ جرم عائد کی گئی ہے۔
امریکی عدالت کے مطابق جن افراد پر فرد جرم عائد کی گئی ہے ان پر صدارتی اختیارات کی منتقلی کا عمل روکنے کا الزام ہے۔
- Advertisement -
ریاست ایری زونا کی عدالت کی جانب سے 11 ری پبلیکنز پر بھی فردِ جرم عائد کی ہے۔
روس نے سلامتی کونسل میں خلا میں ہتھیار رکھنے سے متعلق قرارداد ویٹو کر دی
واضح رہے کہ امریکی ریاست جارجیا کے پراسیکیوٹر کی جانب سے بھی سابق امریکی صدر ڈونلڈ ٹرمپ اور ان کے ساتھیوں پر ریاستی نتائج الٹنے کا الزام لگا یا جاچکا ہے۔
