واشگنٹن: امریکا کے صدر ڈونلڈ ٹرمپ نے کہا ہے کہ ڈرون حملے میں جاں بحق ہونے والے جرنیل قاسم سلیمانی ہزاروں امریکی شہریوں کے قتل میں ملوث تھا، تنازعات اور حالات کے باوجود ایران سے مذاکرات کے دروازے بند نہیں کیے۔
ایرانی جرنیل قاسم کی بغداد میں ہلاکت کے بعد ٹرمپ نے سماجی رابطے کی ویب سائٹ پر امریکا کا جھنڈا ٹویٹ کیا، اب سے کچھ دیر قبل امریکی صدر نے کہا کہ ’ایران ہم سے جنگ کبھی نہیں جیت سکتا اور نہ ہی اُس کے لیے مذاکرات کے دروازے بند کیے‘۔
ٹرمپ کا کہنا تھا کہ ’قاسم سلیمانی نے امریکی فوج کے ایکشن کے بعد ہمارے ہزاروں شہریوں کو قتل کرنے کا منصوبہ بنایا اور وہ مستقبل کے لیے پلاننگ بنا رہا تھا‘۔
Iran never won a war, but never lost a negotiation!
— Donald J. Trump (@realDonaldTrump) January 3, 2020
امریکی میڈیا رپورٹ کے مطابق صدر ٹرمپ نے القدس فورس کے کمانڈر قاسم سلیمانی پر ڈرون حملے کی اجازت دی جس کے بعد ان کی گاڑی کو عراق کے دارالحکومت بغداد ائیرپورٹ کے قریب نشانہ بنایا گیا۔
مزید پڑھیں: ‘عراقی عوام جنرل سلیمانی کی موت پرخوشیاں منارہے ہیں’
ٹرمپ کا کہنا تھا کہ ’قاسم بلواسطہ یا بلاواسطہ ہزاروں افراد کے قتل میں ملوث ہیں، ایرانی عراق میں ہونے والے مظاہروں نے ایران اور اُس کے نظریے کو مسترد کردیا‘۔
قبل ازیں ایرانی صدر اور سپریم کمانڈر حسن روحانی نے امریکا کو واضح کیا کہ ایران اور خطے کے آزادی پسند ممالک سلیمانی کی موت کا بدلہ لیں گے، اُن کی شہادت نے ایرانی عزم کو مزید مضبوط کیا ہے۔