صدر ٹرمپ کو تمیز سکیھنے کی اشد ضرورت -
The news is by your side.

Advertisement

صدر ٹرمپ کو تمیز سکیھنے کی اشد ضرورت

امریکی صدر ڈونلڈ ٹرمپ کے بارے میں کہا جاتا ہے کہ وہ نہایت خود پسند شخصیت ہیں اور اپنے آگے کسی کو خاطر میں نہیں لاتے، اس کا اندازہ ان کی کئی عادات سے بھی ہوتا ہے۔

تاہم حال ہی میں ان کی ایک اور حرکت کو دیکھتے ہوئے ایسا لگتا ہے کہ ٹرمپ کو تمیز اور تہذیب سیکھنے کی بھی اشد ضرورت ہے۔

صدر ٹرمپ اس وقت بیلجیئم میں ہیں جہاں گزشتہ روز انہوں نے ںیٹو ممالک کے رہنماؤں سے ملاقات کی۔ تاہم اجلاس میں شرکت سے قبل انہوں نے ایک نہایت بد تہذیبی کی حرکت کی۔

 ہوا کچھ یوں کہ جب دنیا بھر کے تمام رہنما اجلاس میں شرکت کے لیے جارہے تھے تب صدر ٹرمپ کافی پیچھے تھے۔

مزید پڑھیں: صدر ٹرمپ کے بے تکے مصافحے

اب ان جیسا خود پسند شخص یہ کیسے برداشت کرسکتا ہے وہ پیچھے رہے اور کیمرے کی نگاہوں میں نہ آئے۔ چانچہ وہ تیزی سے آگے آئے اور اس دوران انہوں نے جزائر بلقان میں واقع ملک مونٹی نیگرو کے وزیر اعظم کو دھکا دے کر ایک طرف کیا اور خود سب سے آگے آگئے۔

آگے آنے کے بعد انہوں نے فاتحانہ انداز سے اپنا کوٹ درست کیا اور یوں کھڑے ہوگئے جیسے بتانا چاہ رہے ہوں کہ مجھے کوئی نظر انداز نہیں کرسکتا۔

دھکا کھانے کے بعد مونٹی نیگرو کے وزیر اعظم بیچارے دل ہی دل میں پیچ و تاب کھاتے ہوئے ایک طرف ہو گئے تاہم انہوں نے مروت میں اپنے ہونٹوں کی مسکراہٹ برقرار رکھی۔

آس پاس موجود دیگر افراد نے بھی ٹرمپ کی اس حرکت کو نا پسندیدہ نظروں سے دیکھا تاہم کسی نے انہیں کچھ کہا نہیں۔

اس سے قبل بھی میڈیا نے ٹرمپ کی ایک ایسی حرکت کا مشاہدہ کیا تھا جو ماہرین کے مطابق ان کے اندر ذہنی خرابی کی علامت ہوسکتی ہے۔

وہ عادت میٹنگ کے لیے اپنی کرسی پر بیٹھتے ہی میز پر اپنے سامنے رکھے کافی کے کپ، ٹی میٹ، کاغذات حتیٰ کہ اپنے نام کے بورڈ کو بھی ہٹا کر دور رکھ دینے کی عادت تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں