واشنگٹن : بھارت میں مذہبی بنیادوں پر جاری قتل عام پر امریکی صدرنے بھی پاکستان کےموقف کو تسلیم کرتے ہوئے کہا پاک بھارت کشیدگی کے پیچھے مذہب ہے، بھارت کی مختلف ریاستوں میں ہندو انتہا پسند نظریے کے تحت مسلمانوں کودبایا جارہا ہے۔
تفصیلات کے مطابق بھارت میں مسلمانوں اور اقلیتوں کا جینا محال ہیں ، مذہبی بنیادوں پر جاری قتل عام پر امریکی صدرنے بھی بھارت میں انتہا پسندی کے پاکستانی مؤقف کو تسلیم کرلیا، ڈونلڈ ٹرمپ نے اعتراف کیا کہ پاکستان اور بھارت کے درمیان کشیدگی مذہبی بنیاد پر ہورہی ہے۔
دوسری جانب امریکی صدرکی مقبوضہ کشمیرکی کشیدہ صورتحال پرایک بارپھرثالثی کی پیشکش کرتے ہوئے کہا ہے کہ پاکستان اوربھارت کےدرمیان کشمیر دیرینہ، پیچیدہ اور حل طلب مسئلہ ہے، آئندہ ہفتے بھارتی وزیراعظم سے مسئلہ کشمیرپربات کروں گا، بھرپورکوشش کروں گاکہ مسئلہ کشمیر پر ثالثی ہوجائے۔
امریکی وزارت خارجہ نے مقبوضہ کشمیرمیں بھارتی فوج کے ہاتھوں گرفتاریوں ، کرفیواورپابندیوں پرتشویش کا اظہار کیا ہے۔
یاد رہے وزیراعظم عمران خان نے کشمیریوں کی نسل کشی کو نازی نظریات سے متاثر اور بھارتی وزیراعظم نریندر مودی کو ہٹلر قرار دیا تھا۔
اس سے قبل بھی امریکی اسٹیٹ ڈیپارٹمنٹ کے نمائندوں نے پہلے بھی بھارت میں انسانی حقوق کی پامالی پر تشویش کا اظہار کرتے ہوئے بھارتی وزیراعظم کی اس انتہا پسندانہ رویے کے باعث امریکا نے مودی کو ویزہ دینے پر پابندی عائد کی تھی۔
خیال رہے بھارت کی مختلف ریاستوں میں ہندو انتہا پسند نظریے کے تحت مسلمانوں کودبایا جارہا ہے۔
