ترکی، پولیس نے زنجیر میں جکڑے 57 پاکستانی بازیاب کروالیے turk police
The news is by your side.

Advertisement

ترکی، پولیس نے زنجیر میں جکڑے 57 پاکستانی بازیاب کروالیے

استنبول: ترک پولیس نے کامیاب کارروائی کرتے ہوئے زنجیروں میں جکڑے ہوئے 57 پاکستانیوں کو بازیاب کرالیے جو غیر قانونی طور پر یورپ جانے کی کوشش میں انسانی اسمگلروں کی بربریت کا سامنا کر رہے تھے.

اچھے مستقبل کے خواب آنکھوں میں سجائے یورپ جانے کے خواہش مند 57 پاکستانی نوجوانوں کو انسانی اسمگلروں نے ترکی میں قید کر رکھا تھا جہاں انہیں بہیمانہ تشدد کا نشانہ بنایا جا رہا تھا کہ ترک پولیس نے بروقت کارروائی کر کے مغویوں کو بازیاب کروالیا.

ترک میڈیا کے مطابق 57 پاکستانیوں کو بازیاب کرانے کے لیے مقامی پولیس نے پیر کو استنبول میں ایک خفیہ اطلاع پر ایک عمارت کے تہہ خانے میں چھاپہ مار کارروائی کی اور اغواکاروں سے مقابلے کے بعد انہیں قید سے رہائی دلائی جب کہ تین انسانی اسمگلروں کو بھی گرفتار کرلیا گیا.

 


اسی سے متعلق : استنبول، 6 مغوی پاکستانی بازیاب،4 انسانی اسمگلرز گرفتار 


پولیس حکام کے مطابق حراست میں لیے گئے تینوں انسانی اسمگلروں کا تعلق پاکستان سے ہے جنہوں نے اپنے ہی 57 ہم وطنوں کو 10 ہزار ڈالرز کے عوض براستہ ترکی، یورپ پہنچانے کا جھانسہ دے رکھا تھا جو پولیس کو اس سے قبل بھی کئی مقدمات میں مطلوب تھے جس میں تارکین وطن کو گمراہ کرنے کا الزام بھی شامل ہے.

پولیس کے مطابق انسانی اسمگلروں نے تارکین وطن کو سبز باغ دکھاتے ہوئے یورپ جانے کے لیے رقم منزل مقصود پر پہنچ کر ادا کرنے کا دلاسہ دیتے ہیں اور یوں لوگوں کا اعتماد حاصل کر لیتے ہیں بعد ازاں انہیں تہہ خانوں میں رکھ کر تشدد کا نشانہ بناتے ہیں اور اہل خانہ سے رقم کا تقاضہ کرتے ہیں.

Comments

comments

یہ بھی پڑھیں