The news is by your side.

Advertisement

طالبان کی مدد کی درخواست ، ترک صدر کا اہم بیان آگیا

انقرہ : ترک صدررجب طیب اردوان کا کہنا ہے کہ طالبان کی جانب سے کابل ائیرپورٹ پرٹیکنیکل سپورٹ فراہم کرنے کی درخواست سے متعلق فیصلہ نہیں کیا۔

‌تفصیلات کے مطابق ترک صدررجب طیب اردوان نے اپنے بیان میں کہا ہے کہ کابل ائیرپورٹ پرتکنیکی سپورٹ فراہم کرنےکاحتمی فیصلہ نہیں کیا، طالبان نےکابل ائیرپورٹ پرٹیکنیکل سپورٹ فراہم کرنےکی درخواست کی ہے اور کہاہم سیکیورٹی فراہم کریں گے آپ آپریٹ کریں۔

ترک صدر نے کابل ائیرپورٹ پر مزید حملوں کاامکان ظاہر کرتے ہوئے کہا ہم نے طالبان کی درخواست سے متعلق فیصلہ نہیں کیا۔

یاد رہےطالبان نےترکی سے کابل ائیرپورٹ پر تیکنیکی مدد فراہم کرنے کی استدعا کرتے ہوئے کہا تھا کہ ترک فوج کو بھی 31 اگست کی ڈیڈلائن پر انخلا کرنا ہوگا ، جس پر ترک حکام نے آمادگی کا اظہار کرتے ہوئے کہا تھا کہ فوج کے انخلا کیلئے تیار ہیں تاہم طالبان کی درخواست پرحتمی فیصلہ 31 اگست کی ڈیڈلائن کے بعد کریں گے۔

خیال رہے افغان دارالحکومت میں قائم ایئرپورٹ پر ہونے والے دھماکوں کے باعث ہلاکتوں کی تعداد 100 سے تجاوز کرگئی ہے، مارے جانے والوں میں 12 امریکی فوجی بھی شامل ہیں۔

Comments

یہ بھی پڑھیں