The news is by your side.

Advertisement

لاک ڈاؤن، مالی پریشانی میں مبتلا اداکار انتقال کرگئے

کراچی: ٹی وی پروگرامز میں عمران خان کی ڈمی کا کردار ادا کرنے والے فرخ شاہ انتقال کرگئے، وہ لاک ڈاؤن کے باعث مالی پریشانی میں مبتلا تھے۔

اے آر وائی نیوز کی رپورٹ کے مطابق مختلف ٹی وی شوز میں وزیراعظم عمران خان کی آواز میں نقل اتارنے والے اداکار فرخ شاہ انتقال کرگئے۔

اداکار کے بیٹے نے خبر کی تصدیق کرتے ہوئے بتایا کہ والد صاحب کو آج صبح دل کا دورہ پڑا تھا۔

ان کے بیٹے کے مطابق دل کی تکلیف پر اسپتال لے جارہے تھے کہ وہ راستے میں ہی دم توڑ گئے۔

فرخ شاہ کے بیٹے کا کہنا ہے کہ والد لاک ڈاؤن کے باعث تھیٹر بند ہونے کی وجہ سے پریشان تھے اور مالی معاملات میں بھی پریشانی کا سامنا تھا۔

ان کے بیٹے کے مطابق وہ دو روز قبل ہونے والے فنکاروں کے احتجاج میں بھی شریک ہوئے جبکہ نجی ٹی وی کے عید اسپیشل شو کی ریکارڈنگ میں بھی حصہ لیا تھا۔

فرخ شاہ کے انتقال پر مداحوں نے گہرے رنج و غم کا اظہار کرتے ہوئے مرحوم کے درجات کی بلندی کے لیے دعا کی ہے۔

Comments

یہ بھی پڑھیں