گجرات: کولیاں شاہ حسین کے قریب واقع اتوال نہر میں سیلفی لینے کی کوشش کے دوران دو بھائی نہر میں ڈوب کر جاں بحق ہوگئے۔
تفصیلات کے مطابق سیلفی لینے کے شوقین افراد اپنے بہادری ظاہر کر لوگوں سے داد وصول کرنے کے چکر میں خطرناک مقامات پر سیلفیاں لینے سے گریز نہیں کرتے یہی وجہ ہے کہ گزشتہ چار برسوں میں سلیفی لینے کی کوشش کےدوران کئی افراد قیمتی زندگی سے ہاتھ دھو بیٹھے۔
نمائندہ اے آر وائی عامر بٹ کے مطابق گجرات کے علاقے کولیاں شاہ حسین کے قریب واقع اتوال نہر میں تفریح کے لیے آئے ہوئے دو نوجوانوں شیراز اور شمریز نے سیلفی لینے کی کوشش کی ۔
پڑھیں: ’’ سیلفی کا بخار، گوجرانوالہ کی 2طالبات کو زخمی کردیا ‘‘
تصویر لینے کے دوران شیراز نامی نوجوان پاؤں پھسلنے کی وجہ سے نہر میں گر گیا جسے بچانے کے لیے اُس کا بھائی شمریز نے بھی چھلانگ لگا دی تاہم زرا سی دیر میں دونوں نوجوان اپنے حواس پر قابو نہ رکھ سکے اور جاں بحق ہوگئے۔
ویڈیو دیکھیں
مقامی افراد نے نوجوانوں کے ڈوبنے کی اطلاع ریسکیو ادارے کو دی تو اہلکار چار گھنٹے کی مسلسل تلاش کے بعد دونوں کی نعشیں ڈھونڈنے میں کامیاب ہوئے اور انہیں نکال کر اسپتال منتقل کیا۔
