اسپین میں طیارے کو حادثہ‘ 2 افراد ہلاک -
The news is by your side.

Advertisement

اسپین میں طیارے کو حادثہ‘ 2 افراد ہلاک

میڈرڈ: اسپین کے شمالی پہاڑی علاقے میں طیارہ گرکرتباہ ہوگیا جس کے نتیجے میں 2 افراد زندگی کی بازی ہار گئی۔

تفصیلات کے مطابق برطانوی نجی ایئرلائن کا طیارہ پی اے 28 پائپر اسپین بارڈر کے قریب فنی خرابی کے باعث پہاڑیوں سے جا ٹکرایا جس کے نتیجے میں 2 افراد ہلاک ہوگئے۔

جہاز میں پائلٹ اور کو پائلٹ سفر کررہے تھے، افسوس ناک حادثے میں دونوں پائلٹ جان کی بازی ہار گئے، حادثے کی اطلاع ملتے ہی ریسکیو ٹیمیں جائے حادثہ پر پہنچیں اور پائلٹس کی لاشوں کو اسپتال منتقل کردیا۔

مقامی میڈیا کے مطابق افسوس ناک حادثہ اسپین کے جنوبی علاقے باسکو ریجن میں پیش آیا۔

اسپین : فضائی حادثے میں 3 افراد ہلاک

یاد رہے کہ گزشتہ سال مئی میں اسپین کے معروف سیاحتی شہرمالاگا کے قریب چھوٹا طیارہ گرکر تباہ ہوگیا تھا جس کے نتیجے میں 3 افراد ہلاک ہوگئے تھے۔

حادثے میں جاں بحق ہونے والے افراد کا تعلق جرمنی سے تھا، تاہم ابھی تک اس حادثے کی وجہ معلوم نہیں ہوسکی۔

Comments

comments

یہ بھی پڑھیں