مدینہ: مسجد نبویﷺ میں طبی عملے نے بروقت کارروائی کرتے ہوئے دو پاکستانی عمرہ زائرین کی زندگیاں بچالیں۔
تفصیلات کے مطابق مدینے میں پاکستانی عمرہ زائرین کو دل کا دورہ پڑا اور وہ بے حوش ہوگئے۔ مسجدنبوی میں قائم ہنگامی طبی مرکز نے بروقت کارروائی کرتے ہوئے دونوں پاکستانیوں کو موت سے بچا لیا۔
غیرملکی خبررساں ادارے کے مطابق طبی مرکز میں پہلے 65 سالہ خاتون عمرہ زائر کو لاگیا جن کی نبص بند اور حرکت قلب بھی ساکت کی۔ عملے نے مصنوعی طریقے سی پی آر کے ذریعے مریضہ کی سانس بحال کی۔
بعد ازاں ہنگامی طبی مرکز میں ایک اور پاکستانی عمرہ زائر کو لایا گیا جن کی عمر 75 برس تھی وہ بے ہوش تھے۔ ڈاکٹرز کی جانب سے فوری چیک اپ سے پتا چلا مریض بھی دل کے عارضہ میں مبتلا ہیں جس کی وجہ سے ان کی حرکت قلب بھی بند ہوگئی ہے۔ تاہم عملے نے طبی امداد فراہم کی اور پاکستانی کی جان بچائی۔
خیال رہے کہ سی آر پی ٹیکنیک میں مریض کے سینے پر مخصوص انداز میں ہاتھ رکھ کر دبایا جاتا ہے اسی دوران انکا سر اٹھا کر انہیں مصنوعی طریقے سے سانس دی جاتی ہے۔ مدینے میں قائم یہ مرکز 24 گھنٹے سروس فراہم کرتا ہے۔
