The news is by your side.

Advertisement

بھارت میں گائے کی وجہ سے 2 طالب علموں کی موت

نوئیدا: بھارت میں سڑک پر ہولناک حادثے کے نتیجے میں دو طالب علم ہلاک ہوگئے۔

بھارتی میڈیا کی رپورٹ کے مطابق یہ واقعہ بھارتی شہرنوئیدا میں پیش آیا جہاں سڑک کے بیچ نیل گائے آگئی، کار ڈرائیور نے گائے کو بچایا تو گاڑی درخت سے جا ٹکرائی۔

کار میں ڈرائیور سمیت چار افراد سوار تھے، تاہم پیچھے بیٹھے دونوں نوجوان زخموں کی تاب نہ لاتے ہوئے ہلاک ہوگئے، گاڑی کی اگلی سیٹ پر بیٹھے افراد حفاظتی انتظامات کے باعث جان لیوہ چوٹ سے محفوظ رہے۔

پولیس کا کہنا ہے کہ ہلاک ہونے والے دونوں نوجوان دسویں جماعت کے طالب علم تھے۔

موٹروے پر خوفناک ٹریفک حادثہ، ویڈیو وائرل

سمت اور دنیش رنجینا گاؤں میں قائم اسکول سے گھر آرہے تھے کہ اچانک یہ حادثہ پیش آیا، نیل گائے اگر سڑک پر نہ آتی تو یہ جانی نقصان نہیں ہوتا، ابتدائی تفتیش میں کہا گیا ہے کہ ڈرائیور نے گاڑی کی رفتار انتہائی تیز کررکھی تھی۔

خیال رہے کہ دنیا بھر اس طرح کے حادثات رونما ہوتے رہتے ہیں، یہ واقعات ان علاقوں میں زیادہ پیش آتے ہیں جہاں کی سڑکیں کسی گاؤں یا پھر جنگل جھاڑ علاقوں سے ہوتے ہوئے گزرتی ہیں، ایسے میں جھاڑیوں سے جانوروں کا نکلنا اور سڑک پر آنا عام ہے۔ اس سے قبل متعدد بار مذکورہ حادثات میں کئی اموات ہوچکی ہیں۔

fb-share-icon0
Tweet 20

Comments

comments

یہ بھی پڑھیں