تازہ ترین

انٹرنیٹ استعمال کرنے والے پاکستانیوں کیلیے بُری خبر

اسلام آباد: انٹرنیٹ استعمال کرنے والے پاکستانیوں کیلیے بری...

بہت جلد فوج سے مذاکرات ہوں گے، شہریار آفریدی کا دعویٰ

اسلام آباد: سابق وفاقی وزیر و رہنما پاکستان تحریک...

ہم سب مل کر ٹیم پاکستان ہیں، آرمی چیف

آرمی چیف جنرل عاصم منیر نے کہا ہے کہ...

متحدہ عرب امارات: کرونا وائرس سے بچاؤ کے اقدامات، سزائیں اور جرمانے عائد

ابو ظہبی: متحدہ عرب امارات میں کرونا وائرس کے خلاف احتیاطی تدابیر کی خلاف ورزی پر سخت سزائیں عائد کردی گئیں۔

مقامی میڈیا کے مطابق متحدہ عرب امارات کے فیڈرل پبلک پراسیکیوشن نے عوام کو خبردار کرتے ہوئے کہا ہے کہ کرونا وائرس کے خلاف حفاظتی اقدامات کی دانستہ خلاف ورزی پر قید اور جرمانہ ہو سکتا ہے۔

جمعرات کو حکام نے اس حوالے سے 2 وفاقی قوانین کا حوالہ دیا ہے۔

پہلے قانون کے مطابق متعدی بیماری میں مبتلا ہونے والے افراد کو اپنے قریبی رابطے میں رہنے والوں کے ہمراہ وزارت صحت کو آگاہ کرنا ہوگا، تاکہ ان کا علاج ہو سکے اور انہیں حفاظتی تدابیر پر بھی عمل کرنا ہوگا۔

اسی طرح دوسری قانونی دفعہ میں یہ بھی کہا گیا ہے کہ خلاف ورزی کرنے والوں کو جیل یا 27 سو 22 ڈالر سے 13 ہزار 612 ڈالر تک جرمانہ ہو سکتا ہے۔

پبلک پراسیکیوشن کا مزید کہنا ہے کہ عوام میں قانونی معاملات کے حوالے سے آگاہی پیدا کرنے کے لیے ان قوانین سے متعلق معلومات شیئر کی جا رہی ہیں۔

خیال رہے کہ متحدہ عرب امارات میں اب تک کرونا وائرس کے 3 لاکھ 61 ہزار 877 کیسز سامنے آچکے ہیں، ان میں سے 3 لاکھ 47 ہزار 366 مریض صحت یاب ہو چکے ہیں جبکہ اموات کی تعداد 1 ہزار 73 ہے۔

Comments

- Advertisement -