The news is by your side.

Advertisement

امارات میں اقامے اور شناختی کارڈ کے لیے فارم سے متعلق اہم خبر

ابوظبی: متحدہ عرب امارات نے اقامے کے اجرا و تجدید اور شناختی کارڈ کے لیے نیا فارم جاری کر دیا ہے۔

تفصیلات کے مطابق یو اے ای نے اقامے کے اجرا و تجدید اور شناختی کارڈ کے لیے ایک ہی فرام متعارف کرا دیا ہے، ان دونوں کاموں کے لیے اب ایک ہی فارم ہوگا۔

خیال رہے کہ اس سے قبل اقامے کے اجرا و تجدید اور شناختی کارڈ کے فارم الگ ہوا کرتے تھے، اب دونوں کام ایک ہی فارم میں جمع کر دیے گئے ہیں، اس فیصلے پر پیر 11 اپریل سے عمل درآمد ہوگا۔

یو اے ای میں شناختی کارڈ، قومیت، کسٹم اور سرحدی سیکیورٹی کے وفاقی ادارے نے امارات میں مقیم غیر ملکیوں کے لیے اقامہ اسٹیکر کا اجرا ختم کر کے اس کی جگہ اقامہ شناختی کارڈ متعارف کرایا ہے۔

اقامہ کے ڈائریکٹر جنرل میجر جنرل سعید الراشدی نے کہا کہ اقامہ اسٹیکر کے اجرا کی منسوخی اور اس کی جگہ اماراتی قومی شناختی کارڈ کے اجرا کا فیصلہ متعدد سہولتوں کے پیکیج کے تحت کیا گیا ہے۔

وفاقی ادارے کے مطابق اسٹیکر کی منسوخی کا فیصلہ کابینہ نے کیا، اس کا مقصد اقامے کے اجرا و تجدید میں آسانی پیدا کرنا ہے، اسمارٹ ایپ کی بدولت ای شناختی کارڈ آسانی سے حاصل کیا جا سکے گا۔

مقیم غیر ملکیوں کے لیے اماراتی شناختی کارڈ کے نئے ایڈیشن میں اقامہ اسٹیکر والی جملہ معلومات موجود ہوں گی۔

Comments

یہ بھی پڑھیں