متحدہ عرب امارات 10 سالہ گولڈن کاروباری لائسنس پر غور کر رہا ہے۔
خلیجی میڈیا کے مطابق متحدہ عرب امارات طویل مدتی کاروباری لائسنس متعارف کرانے پر غور کر رہا ہے جس میں 10 سالہ گولڈن لائسنس اور پانچ سالہ سلور لائسنس شامل ہیں۔
جس کا مقصد حکومتی محصولات کو بڑھانا، کاروباری سرگرمیوں کو فروغ دینا اور ملک میں پائیدار ترقی اور خوشحالی کو فروغ دینا ہے۔
بدھ کو 2024 کی اقتصادی انضمام کمیٹی کے افتتاحی اجلاس کے دوران ملک میں تجارتی لائسنس کے لیے نئے ضوابط متعارف کرانے کی تجویز پر غور کیا گیا۔
وزیر اقتصادیات عبداللہ بن توق المری نے اجلاس کی صدارت کی جس میں وزیر مملکت برائے خارجہ تجارت ڈاکٹر تھانی بن احمد الزیودی اور امارات کے اقتصادی ترقی کے تمام محکموں کے نمائندوں نے شرکت کی۔
اجلاس میں بات چیت اقتصادی اقدامات کو بڑھانے اور تعاون کو فروغ دینے پر مرکوز تھی۔
کمیٹی نے ملک میں تجارتی اور کاروباری سرگرمیوں کے لیے نئے ضوابط متعارف کرانے پر غور کیا جس میں پانچ سالہ سلور لائسنس اور 10 سالہ گولڈن لائسنس جاری کرنا شامل ہے ان دونوں کی قیمتیں مسابقتی ہیں۔
