متحدہ عرب امارات نے ماحولیات کے حوالے سے بلیو ویزے کے پہلے مرحلے کا آغاز کر دیا۔
خلیجی میڈیا کے مطابق یواےای نے ورلڈ گورنمنٹس سمٹ 2025 میں 10 سالہ رہائشی اجازت نامے کی تفصیلات کا اعلان کرتے ہوئے بلیو ویزا کے پہلے مرحلے کا آغاز کیا۔
موسمیاتی تبدیلی اور ماحولیات کی وزارت اور شناخت، شہریت، کسٹمز اور پورٹس سیکورٹی (ICP) کے لیے وفاقی اتھارٹی کے مطابق 20 تخلیقی سوچ رکھنے والے رہنماؤں اور باصلاحیت افراد کو اس مرحلے میں بلیو ویزا ملے گا۔
بلیو ویزا ایک 10 سالہ رہائشی ویزا ہے جو ان افراد کے لیے ڈیزائن کیا گیا ہے جنہوں نے UAE کے اندر اور باہر ماحول کے تحفظ اور پائیداری کے لیے غیر معمولی تعاون کیا۔
یہ ویزا ماحولیات کے حامیوں کو دیا جائے گا جس میں بین الاقوامی تنظیموں، بین الاقوامی کمپنیوں، انجمنوں اور غیر سرکاری تنظیموں کے اراکین، عالمی ایوارڈ یافتہ، اور ماحولیاتی کام میں ممتاز کارکنان اور محققین شامل ہیں۔
بلیو ویزا گولڈن اور گرین ریذیڈنسیز کی توسیع ہے، جو پہلے شروع کی گئی تھیں۔
یہ معلومات خلیجی میڈیا سے حاصل کی گئی ہیں۔
