لاس اینجلس: آن لائن ٹیکسی سروس فراہم کرنے والی کمپنی اوبر نے شاہراؤں پر چلنے والی گاڑی کے بعد اب ڈرون سواری کا کامیاب تجربہ کرلیا جسے آئندہ کچھ برسوں میں صارفین کے لیے پیش کیا جائے گا۔
تفصیلات کے مطابق دنیا بھر میں آن لائن ٹیکسی سروس فراہم کرنے والی اوبر کمپنی نے ایک بار پھر اپنی روایات کو برقرار رکھتے ہوئے صارفین کے لیے ڈرون ٹیکسی متعارف کرادی جسے لاس اینجلس میں ہونے والی ٹیکنالوجی کی کانفرنس میں پیش کیا جائے گا۔
اوبر کے مطابق فضائی ٹیکسی سروس ہیلی کاپٹر کے مترادف ہوگی اور صارفین کو یہ سہولت 2020 تک مہیا کی جائے گی، اسے بھی عام ایپلیکشن کے ذریعے آسانی سے بک کیا جائے گا تاہم جیسے عام گاڑی سواری اٹھانے کے لیے دروازے یا گلی تک آتی ہے یہ ڈرون ٹیکسی ایسے داخل نہیں ہوسکے گی۔
مزید پڑھیں: اوبر ڈرائیور نے اسرائیلی سفارت کار کو گاڑی سے اتار دیا
چیف ایگزیکٹو آفیسر کا کہنا تھا کہ ہماری خواہش ہے صارفین کو بہتر سے بہتر سروس فراہم کی جائے تاکہ وہ آسانی کے ساتھ سفر کریں اور جلد از جلد اپنی منزل مقصود تک پہنچ سکیں۔
اُن کا کہنا تھا کہ ڈرون ٹیکسی سروس حاصل کرنے کے لیے بلند عمارتوں پر چھتوں پر مخصوص اسٹاپ پوائنٹس بنائے جائیں گے، موبائل ایپ میں ان پوائنٹس کی لوکیشن اور سواری کے پیسے عام سواری کی طرح صارف کو نظر آئیں گے۔
خوسرو وشہائی کا کہنا تھا کہ ’ہم ایسا نیٹ ورک بنا رہے ہیں کہ عام صارف بھی ٹریفک کی جنھجھٹ سے بچنے اور دودراز سفر کرنے کے لیے کم پیسوں میں یہ سروس آسانی کے ساتھ استعمال کرسکے‘۔
یہ بھی پڑھیں: سعودی عرب : اوبر کا خواتین کو ڈرائیونگ کی تربیت اور روزگار دینے کا اعلان
اُن کا کہنا تھا کہ اوبر کمپنی ہمیشہ کچھ منفرد کرنے کا عزم لیے ہوئے ہیں، اسی باعث سب سے پہلے آن لائن ٹیکسی سروس ہم نے متعارف کرائی اور اب یہ سلسلہ جدید ٹیکنالوجی تک پہنچ چکا۔
اوبر کی جانب سے ڈرون ٹیکسی سے متعلق ایک تعارفی ویڈیو بھی جاری کی گئی جس میں دیکھا جاسکتا ہے کہ یہ ڈرون ایک جہاز کی طرح نظر آرہا ہے جبکہ اس میں ہیلی کاپٹر کی طرح پھنکڑیاں موجود ہیں۔
ویڈیو دیکھیں
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
