مانچسٹر: راچڈیل گرومنگ گینگ کیس کی کراؤن کورٹ میں سماعت ہوئی، جرم ثابت ہونے پر کراؤن کورٹ نے 5 ملزمان کو مجموعی طور پر 70 سال قید کی سزا سنادی۔
یہ 2012 کے بعد اپنی نوعیت کا واحد کیس ہے جو منطقی انجام کوپہنچا ہے۔ 12 اور 13 سال کی لڑکیوں کونشہ آور مشروبات پلاکر جنسی استحصال کا الزام آخر کار ثابت ہوگیا۔
غیر ملکی خبر رساں ادارے کی رپورٹ کے مطابق گینگ لیڈر شاہد غنی کو 20 سال، محمد غنی کو 14 سال قید کی سزا سنائی گئی جبکہ انصار حسین کو 17 سال، علی رضا کاظمی کو 8، مارٹن راڈ کو ساڑھے 12 سال قید کی سزا سنائی گئی۔
دوسری جانب 2روز قبل امریکی ریاست ہیوسٹن میں 52 سالہ چائلڈ اسپیلشسٹ ڈاکٹر طلعت جہاں خان کو تلوار کے پے درپے وار کرکے قتل کردیا گیا۔
ہیوسٹن میں خاتون ڈاکٹر طلعت پر ان کے اپارٹمنٹ کے سامنے حملہ کیا گیا، مقتولہ حال ہی میں سیاٹل سے ہیوسٹن منتقل ہوئی تھیں۔
رپورٹ کے مطابق پولیس نے حملہ کرنے والے 24 سالہ ملزم مائلز جوزف فریڈچ کو گرفتار کرلیا۔
ابتدائی تحقیقات میں قتل کی وجوہات معلوم نہ ہوسکیں تاہم طلعت خان کے رشتہ داروں کا کہنا ہے کہ انہوں نے اس سے پہلے ملزم کو کبھی نہیں دیکھا۔
