تازہ ترین

ماحولیاتی آلودگی کا مشاہدہ کرنے کے لیے سیٹلائٹ کی تیاری

لندن: برطانیہ خلا میں ایسا سیٹلائٹ بھیجے گا جو فضا میں گرین ہاؤس گیسوں کے اخراج اور اس کے زمین پر مرتب ہونے والے اثرات کی پیمائش کرے گا۔

بین الاقوامی ویب سائٹ کے مطابق برطانیہ نے زمین کے درجہ حرارت میں اضافے کا سبب بننے والی گرین ہاؤس گیسوں کے اخراج اور اس کے زمین پر مرتب ہونے والے اثرات کی پیمائش کے لیے ایک خصوصی سیٹلائٹ کی تیاری کا آغاز کر دیا ہے۔

یورپین خلائی ایجنسی (ای ایس اے) کے زمین کا مشاہدہ کرنے والے مشن فار انفرا ریڈ آؤٹ گوئنگ ریڈی ایشن انڈر اسٹیندنگ اینڈ مانیٹرنگ (فورم) کے تحت اس سیٹلائیٹ کو ہوائی جہاز بنانے والی دنیا کی بڑی کمپنیوں میں سے ایک ایئر بس کی اسٹیون ایج میں واقع فیکٹری میں تیار کیا جائے گا۔

اس خصوصی جہاز کی تیاری کے لیے فورم نے ایئر بس کے ساتھ 160 ملین یورو کے معاہدے کو برطانوی پارلیمنٹ میں رواں ہفتے وزیر برائے سائنس، تحقیق اور جدت جارج فری مین کی موجودگی میں عملی شکل دے دی ہے۔

جارج فری مین کا اس منصوبے کے حوالے سے کہنا ہے کہ فورم یورپین اسپیس ایجنسی کا ایسا شاندار منصوبہ ہے جس نے ماحولیاتی تبدیلیوں پر تحقیق اور سیٹلائٹس کی تیاری میں برطانیہ کو بہت مضبوط کردیا ہے۔

ان کا مزید کہنا تھا کہ یہ خصوصی سیٹلائٹ ہمارے سیارے کی سطح سے آنے والی بالائے بنفشی تابکاری کی مانیٹرنگ کرے گا، جس کے نتیجے میں گیسوں کے مالیکول جیسا کہ کاربن ڈائی آکسائیڈ اور پانی کے بخارات کو مرتعش کرتے ہوئے کرہ ہوائی کے درجہ حرارت میں اضافے کا سبب بنتا ہے اور یہ ماحولیاتی تبدیلی کا ایک اہم پہلو ہے۔

توقع ہے کہ اس مشن کے تحت ایک ٹن وزنی اس سیٹلائٹ کو ویگا راکٹ کے ذریعے 2027 تک مدار میں بھیجا جائے گا۔

Comments

- Advertisement -