The news is by your side.

Advertisement

کرونا کی نئی قسم قہر برسانے لگی، لندن کے اسپتال بھر گئے

لندن: برطانوی دارالحکومت کے علاقے ایسیکس میں کرونا کی نئی قسم کے کیسز میں ہوشربا اضافہ ہوا جس کی وجہ سے اسپتالوں میں مریض رکھنے کی جگہ ختم ہوگئی ہے۔

اے آر وائی نیوز کی رپورٹ کے مطابق لندن کے علاقے ایسیکس کے اسپتال کرونا مریضوں سے بھر گئے اور مزید مریضوں کی گنجائش ختم ہوگئی۔

مقامی حکومت نے اسپتالوں میں گنجائش ختم ہونے کو خوفناک صورت حال قرار دیتے ہوئے مرکزی  حکومت سے مدد مانگ لی۔

برطانوی این ایچ ایس نے بھی اس حوالے سے پبلک سروس جاری کردیے جس میں عوام سے اپیل کی گئی ہے کہ وہ انتہائی ایمرجنسی کے علاوہ اسپتال نہ آئیں اور گھروں پر ہی رہیں۔

مزید پڑھیں: برطانیہ کرونا وائرس کی نئی قسم کا پھیلاؤ روکنے میں ناکام، سائنس دان کا حکومت کو انتباہ

نیشنل ہیلتھ سیکیورٹی نے عوام کو ایمرجنسی کے علاوہ 999 پر کال نہ کرنے کی ہدایت کردی۔

دوسری جانب برطانوی وزیر صحت میتھیو ہینکاک نے پارلیمنٹ سے خطاب کرتے ہوئے بتایا کہ ’برطانیہ کے مزید 23 شہروں میں لاک ڈاؤن ٹیر فور نافذ کیا جارہا ہے‘۔ انہوں نے بتایا کہ انگلینڈ کے تین چوتھائی شہر میں سخت لاک ڈاؤن نافذ کیا جائے گا۔

Comments

یہ بھی پڑھیں