The news is by your side.

Advertisement

برطانیہ: پٹرول کی قیمت حیران کن حد تک گر گئی

لندن: برطانیہ میں کروناوائرس کے تناظر میں لاک ڈاؤن کے باعث پٹرل کی قیمت میں غیرمعمولی کمی ہوگئی۔

غیرملکی خبررساں ادارے کی رپورٹ کے مطابق برطانیہ میں پٹرول کی فی لیٹر قیمت میں 4 پینس کی کمی ریکارڈ کی گئی۔ جبکہ مستقبل میں مزید کمی کی پیش گوئی کی جارہی ہے۔

ہفتے کے روز پٹرول فی لیٹر 118.33 پینس میں فروخت ہورہا تھا تاہم اچانک 4 پینس گرنے سے لیٹر کی قمیت 114.01 پیسن ہوگئی۔ اسی طرح ڈیزل کی قیمت 120.41 پینس سے گرکر 118.31 پینس ریکارڈ کی گئی ہے۔

کروناوائرس: پٹرول کی قیمت میں تاریخی کمی کا امکان

برطانیہ میں پٹرول کی قیمت کی یہ کمی تاریخی قرار دی گئی ہے۔ اس سے قبل 2008 میں 2.31 پینس پٹرول کی قیمت میں کمی ہوئی تھی۔ تاہم حالیہ قیمتوں نے تمام ریکارڈز توڑ دیے۔

خیال رہے کہ کرونا وائرس کی وبا سے شروع ہونے والے بحران نے پوری دنیا کی معیشت کو اپنی لپیٹ میں لے رکھا ہے جس کے باعث عالمی مارکیٹ میں تیل کی قیمتیں مزید گر گئی ہیں اور ایشیائی منڈی میں یہ گذشتہ 17 برس کی کم ترین سطح پر آ گئی ہیں اور قیمتوں میں کمی کا یہ سلسلہ تھمتا ہوا دکھائی نہیں دے رہا۔

fb-share-icon0
Tweet 20

Comments

comments

یہ بھی پڑھیں