واشنگٹن: امریکی جریدے نے یوکرینی طیارہ ایران کے ہاتھوں تباہ ہونے کا دعویٰ کردیا۔
تفصیلات کے مطابق امریکی جریدے نیوزویک کا کہنا ہے کہ یوکرین کے طیارے کو ایران نے غلطی سے تباہ کیا تھا، یوکرینی طیارے کو اینٹی ایئرکرافٹ میزائل سے نشانہ بنایا گیا۔
نیوزویک کی رپورٹ میں کہا گیا ہے کہ پینٹاگون وعراقی انٹیلی جنس کے اعلیٰ حکام نے حادثے سے متعلق آگاہ کیا، طیارے کو روسی ساختہ ٹی اوآرایم ون میزائل سے نشانہ بنایا گیا، پینٹاگون حکام کے مطابق واقعہ غلطی کے باعث پیش آیا تھا۔
ایران میں مسافر طیارہ گر کر تباہ، 179 مسافر ہلاک
جریدے کے مطابق طیارے کو زمین سے فضا میں مار کرنے والے میزائل سے نشانہ بنایا گیا تھا، سیٹ لائٹ کے ذریعے بھی میزائل فائر کرنے کے شواہد ملے ہیں۔ ایرانی حکام نے طیارے کو میزائل لگنے کی تردید کی ہے۔
یاد رہے کہ گزشتہ روز ایران کے دارالحکومت تہران میں یوکرین کا ایک مسافر طیارہ گر کر تباہ ہوا، جس میں 179 مسافر مارے گئے تھے۔ اس حادثے کا الزام بھی ایران پر عائد کیا جارہا ہے۔
