The news is by your side.

Advertisement

برطانوی خفیہ ایجنسی MI-5 بھی انسٹاگرام پر آگئی

لندن : برطانوی خفیہ ایجنسی ایم آئی 5 نے انسٹاگرام پر اپنا آفیشل اکاؤنٹ کھولنے کا اعلان کردیا، خفیہ ایجنسی اکاؤنٹ کو مفروضوں کے خاتمے کےلیے استعمال کرے گی۔

غیر ملکی خبر رساں ادارے کی رپورٹ کے مطابق طویل عرصے تک مخفی رہنے والی برطانوی خفیہ ایجنسی ایم آئی فائیو آفیشل سوشل میڈیا اکاؤنٹ بنانے جارہی ہے جس کے ذریعے پہلے کبھی نہ دیکھی جانے والی محفوظ شدہ دستاویزات کا انکشاف کیا جائے گا۔

ذرائع کا کہنا ہے کہ ایم آئی فائیو کا آفیشل اکاؤنٹ ‘سیکیورٹی سروس ایم آئی فائیو آفیشل (@mi5official)’ کے نام سے ہوگا۔

برطانوی میڈیا کا کہنا ہے کہ سوشل میڈیا اکاؤنٹ کے ذریعے کیریئر کے مواقع بھی فراہم کیے جائیں گے جب کہ خفیہ ایجنسی اپنے افسران کے ہمراہ آن لائن سوالات و جوابات کا سلسلہ شروع کرے گی۔

خفیہ ایجنسی کی جانب سے یہ اقدام ایم آئی فائیو کے نئے سربراہ جنرل میک کیلم کے ذمہ داری سنبھالنے کے بعد اٹھایا گیا ہے، خیال رہے کہ جنرل میک کیلم نے گزشتہ برس اکتوبر کے اواخر میں ایم آئی فائیو کی ذمہ داریاں سنبھالی تھیں۔

جس کے بعد انہوں نے میڈیا سے گفتگو کرتے ہوئے کہا تھا کہ ’ہم میں سے بہت سے لوگ نظروں سے اوجھل رہنا چاہتے ہیں لیکن ہمیں اس کی ضرورت نہیں ہے، درحقیقت خود کو ظاہر کرنا مستقبل میں کامیابی کی چابی ہے’۔

Comments

یہ بھی پڑھیں