اقوام متحدہ کی سلامتی کونسل میں غزہ جنگ بندی کی امریکی قرارداد مسترد ہو گئی۔
امریکا نے سلامتی کونسل میں غزہ میں فوری جنگ بندی کی قرارداد گزشتہ روز جمع کروائی تھی۔ قرارداد پر ووٹنگ کے دوران روس اور چین نے امریکی قرارداد کو ویٹو کر دیا۔
روس نے موقف اپنایا کہ قرارداد کا مقصد اسرائیل کو رفح میں حملوں کی اجازت دینا ہے جب کہ چین نے کہا کہ بلامقصد قراردادوں سے غزہ میں امن قائم نہیں ہو سکتا۔
15میں سےگیارہ ممالک نےقراردادکےحق میں ووٹ دیا۔
اقوام متحدہ میں روس کے سفیر واسیلی نیبنزیا نے کہا کہ اس مسودے کو حد سے زیادہ سیاست زدہ کیا گیا ہے اور اس میں اسرائیل کے لیے رفح میں فوجی آپریشن شروع کرنے کے لیے موثر گرین لائٹ موجود ہے۔
ماسکو نے واشنگٹن پر "منافقانہ رویہ” اپنانے کا الزام لگایا جو اسرائیل پر دباؤ نہیں ڈالتا۔
Comments
- Advertisement -
