برطانیہ میں جنگ عظیم دوم کا بم ناکارہ بنانے کے دوران پھٹ گیا، واقعے کی ویڈیو سوشل میڈیا پر وائرل ہوگئی۔
غیر ملکی میڈیا کے مطابق کاؤنٹی نورفوک کے علاقے گریٹ یرماؤتھ میں چار روز قبل دریافت ہونے والا دوسری جنگ عظیم کا 250 کلوگرام وزنی بم ناکارہ بناتے ہوئے دھماکے سے پھٹ گیا۔
رپورٹ کے مطابق دھماکہ اتنا زوردار تھا کہ اس کی آواز میلوں دور تک سنائی دی گئی۔
سوشل میڈیا پر لوگوں نے دعویٰ کیا کہ جب یہ دھماکہ ہوا تو چوبیس کلومیٹر دور تک عمارتیں لرز اٹھیں۔
نورفولک پولیس نے واقعے سے متعلق بتایا کہ اس حادثے میں کسی کے زخمی ہونے کی کوئی اطلاع نہیں ہے، بم دھماکے کی ویڈیو سوشل میڈیا پر وائرل ہو رہی ہے۔
نورفولک پولیس نے ویڈیو ٹویٹ کرتے ہوئے لکھا کہ گریٹ یار ماؤتھ میں بم کو ناکارہ بنانے کے کام کے دوران دھماکہ ہوا، ہمارے ڈرون نے اس لمحے کو قید کر لیا، ہم تصدیق کر سکتے ہیں کہ کوئی زخمی نہیں ہوا۔
The unexploded bomb in #GreatYarmouth detonated earlier during work to disarm it. Our drone captured the moment. We can confirm that no one was injured. Public safety has been at the heart of our decision making all the way through this operation, which we know has been lengthy. pic.twitter.com/9SaeYmHkrb
— Norfolk Police (@NorfolkPolice) February 10, 2023
واضح رہے کہ چار روز قبل گریٹ یارموتھ کے دریائے یارے کے قریب کراسنگ پر کام کرنے والے ایک ٹھیکیدار کو کام کرنے کے دوران یہ بم ملا تھا۔
بم ملنے کی اطلاع پر مقامی افراد میں کھبلی مچی اور پولیس نے متاثرہ علاقے کو مکمل طور پر خالی کرالیا تھا جبکہ اس علاقے میں آنے جانے والی تمام سڑکوں کو بند کردیا تھا۔
پولیس کے مطابق بم کو ناکارہ بنانے کا کام شروع کیا گیا اور کچھ ہی وقت کے بعد ڈیوائس پھٹنے سے دھماکہ ہو گیا جس کی ویڈیو کیمرے میں قید ہوگئی۔
