بھارت کے وزیر اعظم نریندر مودی کے پروٹوکول میں نامعلوم شخص گھس آیا جس کی ویڈیو سوشل میڈیا پر وائرل ہوگئی۔
میڈیا رپورٹس کے مطابق نریندر مودی ریاست کرناٹک میں ایک روڈ شو میں بطور مہمان خصوصی شریک تھے جہاں ان کی سکیورٹی میں خامی سامنے آئی۔
ویڈیو میں دیکھا جا سکتا ہے کہ ایک نامعلوم شخص باآسانی ہجوم سے نکل کر سکیورٹی حصار عبور کرتا ہے اور بھارتی وزیر اعظم تک پہنچ جاتا ہے۔
نریندر مودی کی سکیورٹی پر تعینات ایس پی جی اہلکار نامعلوم شخص کو پکڑ کر ہجوم کی طرف دھکا دیتا ہے۔
