The news is by your side.

امریکا نے تائیوان کو ہتھیاروں کی فراہمی کے بھاری پیکج کا اعلان کر دیا

واشنگٹن: امریکا نے تائیوان کو ہتھیاروں کی فراہمی کے بھاری پیکج کا اعلان کر دیا۔

تفصیلات کے مطابق امریکا نے تائیوان میں اپنی اشتعال انگیز پالیسیوں کا سلسلہ جاری رکھتے ہوئے اسے ہتھیار فراہم کرنے کا اعلان کر دیا ہے۔

امریکا نے تائیوان کے لیے 1 ارب 10 کروڑ ڈالر کے آرمز پیکج کا اعلان کیا، امریکا نے نئے اسلحہ پیکج کی منظوری دے دی۔

یہ جو بائیڈن انتظامیہ کی طرف سے تائیوان کے لیے سب بڑا اسلحہ پیکج ہے۔

میڈیا رپورٹس کے مطابق تائیوان 60 ہرپون بلاک ٹو میزائل کی خریداری پر 355 ملین ڈالر خرچ کرے گا، اس سسٹم کے ذریعے سمندر کے راستے کسی بھی حملے کو ناکام بنایا جا سکے گا۔

سائبیریا میں روس، چین، بھارت کی مشترکہ فوجی مشقیں عروج پر

خبر ایجنسی کا کہنا ہے کہ اسلحہ پیکج میں 856 ملین ڈالر کے 100 سے زائد سائیڈونڈر میزائل بھی شامل ہیں۔

واضح رہے کہ امریکا تائیوان کو چین کے خلاف استعمال کر رہا ہے اور تائیوان کے حوالے سے امریکا اور چین کے مابین کچھ عرصے سے سرد جنگ جاری ہے۔ تاہم اس میں شدت اس وقت آئی جب گزشتہ مہینے امریکی کانگریس کی اسپیکر نینسی پلوسی نے چین کے سخت انتباہ کے باوجود تائیوان کا دورہ کیا۔

Comments

یہ بھی پڑھیں