عراق کے دارالحکومت بغداد میں ملزمان نے اغوا کی کوشش میں ناکام ہونے پر امریکی شہری کو گولی مار کر قتل کردیا اور فرار ہوگئے۔
غیر ملکی میڈیا رپورٹ کے مطابق مقتول امریکی شہری مقامی تعلیمی ادارے میں انگریزی کا استاد تھا اور پولیس ذرائع کا کہنا ہے کہ اس کے قتل کا واقعہ بغداد کے وسطی علاقے میں ہوئی ہے۔
پولیس کی ابتدائی تحقیقات اور عینی شاہدین کے مطابق ایک گاڑی میں سوار مسلح افراد نے امریکی شہری کو اغوا کرنے کی کوشش کی تاہم مزاحمت کرنے پر اسے گولی مار دی جس کے نتیجے میں وہ ہلاک ہوگیا۔
واقعے کی اطلاع ملنے پر پولیس جائے وقوعہ پر پہنچ گئی اور وہاں سے شواہد اکٹھے کرنے کے ساتھ لاش کو اسپتال بھی منتقل کیا، اسپتال رپورٹ کے مطابق امریکی شہری کی موت گولی لگنے کی وجہ سے ہوئی ہے۔
Comments
- Advertisement -
