واشنگٹن: امریکی عدالت نے جاسوسی کے الزام میں گرفتار دو ایرانی جاسوسوں کو سزا سنا دی۔
تفصیلات کے مطابق امریکی عدالت نے پہلے ان دونوں ایرانی جاسوسوں پر فردجرم عائد کیا تھا جبکہ آج ان کے خلاف قید کی سزاسنائی گئی۔ دونوں مجرم امریکی شہریوں کی معلومات اور نقل وحرکت پر نظر رکھتے تھے۔
غیرملکی خبررساں ادارے کے مطابق ان میں سے ایک جاسوس 39 سالہ احمد رضا امریکا اور ایران کی دُہری شہریت کا حامل ہے۔ جبکہ دوسرا مجرم 60 سالہ ماج دغور بانی ایرانی شہری ہے اور وہ امریکا میں مقیم ہے تھا جس وقت اسے گرفتار کیا گیا۔
دونوں ایرانی باشندے امریکا میں ایران کے لیے کام کرتے تھے۔ ان پر امریکا میں ایرانی نظام کے مخالف امریکی شہریوں کو ہدف بنانے کے لیے ایرانی حکومت کی معاونت کا الزام تھا۔ مجرموں نے کئی بار ایران کا دورہ بھی کیا۔
ایران کا سی آئی اے کے 17 جاسوس پکڑنے کا دعویٰ
غیرملکی میڈیا کا کہنا ہے کہ امریکی عدالت نے احمد رضا کو 38 ماہ اور غوربانی کو 30 ماہ قید کی سزا سنائی ہے۔
امریکی تحقیقاتی ادارے ’ایف بی آئی‘ نے ملک میں شہریوں کی جاسوسی کو خطرناک قرار دیتے ہوئے کہا ہے کہ وہ ملک میں ایران نواز ملزمان پر نظر رکھے ہوئے ہیں۔ خیال رہے کہ اس سے قبل بھی متعدد بار ایرانی جاسوس امریکا میں گرفتار اور سزا بھی پاچکے ہیں۔
یاد رہے کہ گزشتہ سال جولائی میں ایرانی وزارت انٹیلی جنس کی جانب سے امریکی خفیہ ادارے سی آئی اے کے جاسوسی نیٹ ورک کو توڑنے کا دعویٰ کیا گیا تھا، ایرانی حکام کے مطابق مختلف کارروائیوں میں 17 جاسوسوں کو گرفتار کیا گیا تھا، جاسوس حساس اداروں اور اہم کمپنیوں میں کام کرتے تھے۔
